Cookies go nicely with oat drinks. As it happens, the digital kind do too. So is it okay with you if we use cookies on this site? What’s cookies?

Hafrasmurostur Hvítlauks Gúrku

Í ELDAMENNSKUNA - Hafrasmurostur Hvítlauks Gúrku (150 g)

Volgir vindar Miðjarðarhafsins, megum við kynna ykkur fyrir... smuráleggi. Ókei, við ættum kannski bara að sleppa þessum rómantísku lýsingum, því hafrasmurostur plús hvítlaukur og litlir gúrkubitar er ávísun á tzatziki ævintýri fyrir bragðlaukana! Æi, við erum aftur byrjuð á þessu. Gleymdu ævintýrahlutanum og bragðlaukunum, en haltu tzatziki hlutanum. Eins og stendur á umbúðunum, þá geturðu smurt þessu á samloku, en þú getur líka notað þetta til að bæta geggjuðu bragði í uppskriftir, eins og t.d. í pastasósu eða þegar þú vilt eitthvað gómsætt til að framkalla spennandi minningar um... Æi, ókei, nú erum við hætt. Færum okkur bara yfir í „Það sem er frábært“ hlutann, ókei?


Það sem er frábært

Ef þú ert manneskja sem býrð í Bretlandi, en fyrir einhverjum óskiljanlegum ástæðum ert ekki mikið fyrir gúrkusamloku, sem er alveg í lagi, þá erum við með gott tómat/basil bragð sem getur komið sterkt inn sem staðgengill. Þetta er í boði fyrir frumlega hugsuði eins og þig og þú getur nálgast það hér. Eða viltu kannski bara halda þig við rjómakennda og einfalda venjulega hafrasmurostinn? Það er líka alveg í lagi. En reyndu samt, ef þú getur, að prófa einn af þessum, því það ætti enginn að missa af því að prófa hafrasmurost á samloku, kex, beyglu, beyglu-kex, beyglusamloku, kex-samloku eða bara á hvað sem er. Svo geturðu jafnvel prófað hann í eldamennskuna, því hann kekkist ekki við suðu. Jebb, þetta er allt saman úthugsað.

Það sem er ekki alveg jafn frábært

… eða kannski bara einmitt nógu frábært ef þú ert 150-gramma-umbúða-hafrasmurostsmanneskja, því það vill svo til að þetta eru 150 gramma umbúðir. En auðvitað getur þessi vara bókstaflega ekki verið jafn frábær ef þú ert manneskja sem fílar 250, 500 eða 900 gramma umbúðir. Í augnablikinu er það þannig að við bjóðum ekki upp á stærri umbúðir, svo þú þarft eiginlega bara að halda þig við 150 grömmin. Sorry.

Jæja, tölum aðeins um fitu. Hér til hægri sést að varan inniheldur 18 g af fitu, þar af eru 7.0 g af henni mettuð. Kannski ertu að pæla: „vá, hvað er að frétta með alla þessa fitu og af hverju er hún hérna“? Í fyrsta lagi er þetta ekki svo mikið, en jæja, allt er svo sem afstætt. Í öðru lagi hefur mettuð fita (eða í þessu tilviki – fitukennd blanda repjuolíu og fullhertri kókos- og repjuolíu, algjörlega laus við alla transfitu) alveg hreint töfrandi áhrif á hafrasmurostinn. Í raun er þetta nauðsynlegt svo hægt sé að gera þetta að hafrasmurosti. Ef fitan væri ekki í honum, myndum við þurfa að finna upp á nýrri leið til að nota hann. Svo þyrftum við líklega að endurskýra hann Hafraeitthvað??? Eða eitthvað svipað. Hvorki meira né minna en þrjú spurningamerki, takk fyrir kærlega.

Í ELDAMENNSKUNA - Hafrasmurostur Hvítlauks Gúrku (150 g)

Innihaldslýsing

Gerjaður hafragrunnur (vatn, hafrar, gerjunarræktun), repjuolía, fullhert kókos- og repjuolía, gúrka (7%), kartöflusterkja, kartöfluprótein, joðbætt salt, hvítlaukur (1%), maíssterkja, edik, bindiefni (pektín), sýra (eplasýra, mjólkursýra), svartur pipar.

Næringargildi

Næringarupplýsingar í 100 g:
Orka 887 kJ/214 kkal
Fita 18 g
þar af mettuð 7.0 g
Kolvetni 9.6 g
þar af sykurtegundir 3.4 g
Trefjar 0.9 g
Prótein 3.0 g
Salt 1.23 g

Annað

Nei. Öll síðan er nú þegar troðfull af upplýsingum um innihaldsefni, kosti og galla, mismunandi mælieiningar o.s.frv. Okkur finnst það vera alveg nóg.


Hvaðan koma innihaldsefnin?


Hafrar                          

Upprunaland: Ræktaðir í Svíþjóð                              
Dreifingaraðili: Lantmännen Cerealia

Gerjunarræktun  

Upprunaland: Frakkland                                    
Dreifingaraðili: Dupont

Repjuolía

Upprunaland: Svíþjóð
Dreifingaraðili: AAK

Fullhert kókosolía

Upprunaland: Vestur-Malasía, Filippseyjar, Indónesía
 Dreifingaraðili: AAK

Fullhert repjuolía

Upprunalönd: EU

Kartöflusterkja

Upprunalönd: Holland og Þýskaland.
Dreifingaraðili: Avebe

Kartöfluprótein                             

Upprunaland: Holland og Þýskaland.
Dreifingaraðili: Avebe

Salt

Upprunalönd: Danmörk
Dreifingaraðili: Nouryon

Pektín

Upprunaland: Argentína, Brasilía, Ítalía, Mexíkó, Perú, Úrúgvæ
Dreifingaraðili: Caldic

Mjólkursýra

Upprunaland: Taíland
Dreifingaraðili: Brenntag

Eplasýra

Upprunaland: Ítalía
Dreifingaraðili: Univar

Kryddblanda

Upprunaland: Sjá hér fyrir neðan
Dreifingaraðili: Frutarom
Gúrka: Spánn
Vatn: Þýskaland
Hvítlaukur: Kína, Frakkland, Spánn, Argentína Salt: Sviss, Þýskaland Maíssterkja: Þýskaland, Bandaríkin
Edik: Þýskaland
Svartur pipar: Brasilía, Víetnam, Indónesía