Hafrasmurostur Tómata Basil

Umbúðahönnun er alvöru listform og það þarf ekkert að útskýra hvað list er. Hins vegar þarf að tala um vissa hluti á vörusíðum, svo gefðu okkur smá séns á að útskýra umbúðirnar á þessum rjómakennda tómata/basil hafrasmurosti. Rauði og hvíti liturinn gefa til kynna að við tókum frábæra hafrasmurostinn okkar (hvíti liturinn er frá honum) og bættum sólþurrkuðum tómötum við (rauði liturinn) sem og basil (... ókei, ekki það mikill grænn litur, en það er líklega vegna þess að þessi vara inniheldur meira af tómötum en basil, þannig að litaval hönnuðarins virkar bara mjög vel). Ef þú hefur prófað venjulega hafrasmurostinn, þá muntu fatta þetta. Þetta er í raun bara hann, nema með meira bragði. Ef þú hefur ekki prófað venjulega hafrasmurostinn, þá er þetta rjómakennt smurálegg með tómat- og basilbragði og er með svipaða áferð og rjómaostur, nema að „osturinn“ í „rjómaostur“ er plöntumiðaður.

Einhver (a.k.a. fáránlega gáfaða fólkið í vöruþróunardeildinni) hefur fundið upp á leið til að gera tómata/basil hafrasmurostinn nothæfan, hvort sem hann er volgur eða kaldur. Þetta þýðir í raun að hann virkar í alls kyns bragðmiklum aðstæðum – t.d. í eldamennskuna. Hann er alveg stútfullur af dýravörum. DJÓK. Auðvitað. Maður gerist eiginlega ekki plöntumiðaðri en þetta.

Ókei, við viljum að hægt sé að smyrja þessum smyrjanlega hafrasmurosti og þess vegna inniheldur hann mettaða fitu. Eða nánara sagt, fullherta fitu, sem er í raun ómettuð fita sem búið er að breyta yfir í mettaða og ætti alls ekki að rugla saman við transfitu.

Svo er eitt annað sem gæti átt heima hér í „Það sem er ekki alveg jafn frábært“, og það er ef þú myndir ná þér í öll nauðsynleg hráefni til að gera ostaköku með hafrasmurosti og myndir óvart taka rauða hafrasmurostinn. Þannig gætirðu endað með tómata og basil ostaköku. Ef það er eitthvað sem hefur gerst, þá viljum við biðjast afsökunar á því. Ef þú ert hins vegar að spá í osta-, tómata- og basilköku, þá bara gjörðu svo vel!