Cookies go nicely with oat drinks. As it happens, the digital kind do too. So is it okay with you if we use cookies on this site? What’s cookies?

Jarðarberja

ICE CREAM - Jarðarberja (500 mL)

Jarðarber og hafrar - vaxa bæði í jarðvegi, saman í ísköldum félagsskap. Þessi pörun er svo geggjuð að þú gætir velt fyrir þér ástæðu þess að enginn hafi spáð í þetta áður. (Kannski hefur einhver í fjarlægri vetrarbraut pælt í þessu áður, en samkeppnisgreiningin okkar stoppar við ósónlag jarðarinnar). Allavega, við erum nokkuð viss um að það sé jarðarberjaís úr höfrum nálægt þér einmitt núna, þá líklega í frysti í matvörubúð, eða ef heppnin er með þér, í þínum eigin frysti ef einhver skyldi hafa sett hann þangað þegar þú sást ekki til (ekki á creepy hátt, kannski var það vinur eða fjölskyldumeðlimur). Hann er alveg mergjaður þegar hann er borðaður með skeið, en það er líka alveg hægt að drekka hann ef hann er bráðinn.


Það sem er frábært

Ef við tökum ekki með í reikninginn hversu augljóslega sérstakt það er að vera ís úr höfrum, þá gæti líka verið viðeigandi að benda á að það eru alvöru jarðarber í þessum ís sem eru gerð úr höfrum. Að minnsta kosti 15% þessarar vöru eru einföld og unaðsleg ber sem búið er að hakka og blanda saman á svo fullkomin hátt að ef það væri sumar og þú værir úti á túni að borða rauð og safarík jarðaber, þá myndirðu ekki þurfa að prófa þessa vöru því þú myndir vita nákvæmlega hvernig hún bragðaðist.

Engin gervibragðefni í dulargervi sem jarðarber, rjómi, sjóræningjar eða bara hvað sem er.

Fernan er gerð úr PEFC vottuðum pappa frá sjálfbærum skógum og er algjörlega endurvinnanleg (það veltur á borginni sem þú býrð í, en halló, borgir, komið ykkur í nútímann).

Það sem er ekki alveg jafn frábært

(Athugasemd! Ef þú ert ekki í stuði fyrir að lesa þetta sem kemur hér fyrir neðan, þá geturðu bara lesið orðin sem eru feitletruð til að fá samantekt).

Eins og þú gætir hafa hugsað þér, þá er ekki auðvelt að búa til hafraís, því það eru vissir eiginleikar í kúamjólk og rjóma sem gera ís úr kúamjólkurvöru sérstakan. Ef við tökum dæmi, þá þurfum við eitthvað í staðinn fyrir mettuðu fiturnar sem koma úr kúamjólk og rjóma, en það finnst ekki í höfrum. Ómettaðar fitur eru yfirleitt frábærar, en ef við pælum í þeim í samhengi við ís, þá gera þær ísinn fljótandi og ekki mjög ís-legan. Þannig að við ákváðum að nota plöntumiðaða fullherta fitu, sem þýðir að búið er að metta ómettuðu fituna. Við blönduðum líka smá bindiefni í hann, sem er auðvitað galli ef þú fílar bráðinn ís. En í þannig tilfellum er kannski gott að sleppa bara hlutanum þar sem þú setur ísinn í frystinn (við mælum þó ekki opinberlega með því).

ICE CREAM - Jarðarberja (500 mL)

Innihaldslýsing

Vatn, jarðarber 15%, sykur, hafrar, dextrósi, repjuolía, glúkósasíróp,  fullhertar jurtaolíur (kókos, repju), kókosolía, ýruefni (ein- og tvíglýseríð af fitusýrum), bindiefni (karóbgúmmí, gúargúmmí), náttúruleg bragðefni, rauðrófuþykkni, salt.

Næringargildi

Næringarupplýsingar fyrir 100 g:
Orka 825 kJ/197 kkal
Fita 10 g
þar af mettuð 5.4 g
Kolvetni 26 g
þar af sykurtegundir 23 g
Trefjar 0.9 g
Prótein 0.7 g
Salt 0.08 g

Annað

Ef þú berð miklar tilfinningar til jarðarberjaíssins, þá mælum við eindregið með öðrum ísum frá okkur sem eru alveg jafn æðislegir og haframiðaðir. Kannski gætirðu prófað Súkkulaði Fudge. Ójá, hann er góður.


Hvaðan koma innihaldsefnin?


Jarðarber

Upprunaland: Pólland
Dreifingaraðili: Hafi

Sykur

Upprunaland: Svíþjóð
Dreifingaraðili: Nordic Sugar

Hafrar                          

Upprunaland: Ræktaðir í Svíþjóð                              
Dreifingaraðili: Lantmännen Cerealia

Dextrósi

Upprunaland: EU
Dreifingaraðili: Roquette

Repjuolía  

Upprunaland: Svíþjóð                                    
Dreifingaraðili: AAK

Glúkósasíróp

Upprunaland: Frakkland
Dreifingaraðili: Roquette

Fullhert kókosolía

Upprunaland: Malasía, Filippseyjar, Indónesía
Dreifingaraðili: AAK

Fullhert repjuolía

Upprunaland: Svíþjóð
Dreifingaraðili: AAK

Kókosolía

Upprunaland: Malasía, Filippseyjar, Indónesía
Dreifingaraðili: AAK

Ýruefni (ein- og tvíglýseríð af fitusýrum)

Upprunaland: EU
Dreifingaraðili:  Swissgum AG

Bindiefni (Gúmmí úr Jóhannesarbaun (e. locust bean gum))

Upprunaland: Ítalía, Spánn, Tyrkland.
Dreifingaraðili: Swissgum AG

Bindiefni (Guar gúmmí)

Upprunaland: Indland
Dreifingaraðili: Swissgum AG

Náttúruleg bragðefni

Upprunaland: Svíþjóð
Dreifingaraðili: NordArom

Litarefni (rauðrófa)

Upprunaland: EU
Dreifingaraðili: Sensient

Salt

Upprunaland: Danmörk
Dreifingaraðili: AkzoNobel